「近啲玩」FunnearbyHK

好熱鬧好好氣氛💛 食物質素好好，有攤位玩之餘仲有音樂同跳舞表演！下年再參加！

今次萬聖節party好好玩. 又有攤位遊戲，又有好嘢食， 又有歌舞表演. 好好玩！

教育界小商戶嘅小型聚會，聽講這分享獲益良多，大家亦都好積極主動交流，成個氛圍都好好，希望之後有機會再見到大家，如果可以多啲有呢啲活動就好啦。

啱啱同個女去咗觀瀾湖參加Summer Camp☀️都估到小朋友一定玩到唔捨得走，點知連我哋家長都全程被WOWWW到🤩呢個 camp真係值得俾五粒星 ⭐⭐️⭐️⭐️⭐️
嚟到觀瀾湖梗係要打 golf ！不過小朋友只得三歲，導師就貼心安排咗 BB golf 棍俾佢哋玩，指導小朋友時好有耐性，又搞吓笑氣氛輕鬆，連我哋家長都忍唔住一齊落場玩！
第二日最震撼一定係騎馬🐎 原本以為只係簡單體驗影吓相打卡，點知係「真．騎馬」😳每個小朋友都有馬術導師一對一指導，先教佢哋坐穩，再慢慢行一圈適應。原本以為佢哋會驚，點知個個都好似小騎師咁威風😎感動到我哋班家長🥹之後仲升級挑戰，由導師帶住快跑幾圈🏇全場家長不停嘩嘩聲！完全唔敢相信小朋友可以做到！證明導師們真係教得好好👍另一highlight 就係滑雪⛷️Ella 期待咗好耐，一直話要去搵 Elsa 同 Olaf ❄️場內可免費租用雪服雪鞋，裝備乾淨齊全，最重要人唔多，玩得好舒服，對小朋友嚟講非常友好！
如果一定要講一個「挑戰」，就係每個活動完結之後，小朋友都完全唔肯走，要拖住先肯離開😂 我已經應承咗Ella下年一定再帶佢嚟！

原來今年係觀瀾湖第一次搞萌寶summer camp. 超級開心可以攞到觀瀾湖嘅特價套票. 五千幾蚊， 真係抵到爛， 日日都唔同工作坊， 又打哥爾夫球， 射箭，欖球，整陶瓷， 騎馬滑雪， 真心日日活動豐富到爆！

最正莫過於我哋今次帶咗姐姐去， 小朋友加埋姐姐一齊參加工作坊嘅時候， 成班媽咪去按摩， 你都唔好話唔爽. 因為酒店安排咗好多嘅導師全程跟住小朋友. 完全都唔使擔心安全問題. 總之就超開心超值超值超值. 我下年都一定再去. 😂😂